英國佬議員要來港視察佔中，及「中英聯合聲明」落實，表面堂皇，實際想玩嘢，北京拒之入境，但難保有人以旅遊前來攪局。

其實要同英國佬玩，最簡單方法，就係要英國人交回在「大英博物館」內，東方藝術館所藏、不少是搶自清朝圓明園內的珍貴文物。你既然咁關心中國，總不能把賊贜當係寶，咁傷害感情卦？

呢批中國文物有三萬多件，有人睇完都話「咁多館藏都係賊贜，咁都得？」不少「遺老、遺少」話得舊包租婆點文明、守法，其實係「金玉其外、敗絮其中」，入大英博物館，其實係花錢睇賊贜、仲有呀，英國佬話「搶自中國的珍寶不會歸還」，赤裸裸暴露其性格，既然係咁，又何必扮曬「正義」？

香港如果唔係英國佬，唔會有今日，無論好嘅又好、醜嘅又好，都係中國人嘅事，由中國人承擔，英國歸還香港呢塊「賊贜」係理所當然，若又要指三道四，北京可不可以派人到「大英博物館」檢查裏面屬中國人的東西，論物估值，製成清冊，攝成圖像，商談哪一些可以歸還呀？

相信英國佬一定唔肯，咁又那些英國議員又何必玩嘢？英國議員咁有正義，肯唔肯在國會討論歸還中國的賊贓呀？搞咁多事，起自肥彭，老實講，彭定康呢條友，一直都唔順交還香港，他不斷指三道四不斷，目的是補償「末代港督」心態耳！

＠請英國議員退還賊贓