北京客客氣氣講明「一國二制有底線」就是反共、亂港的「民主派」政客，不能出任特首，於是見完京官後，不少又反共又想做特首的，灰頭灰臉，2017冇普選後，他們的政治生涯，就只停留在「10皮」一個月的立法會議員，想發特首夢「他生未卜此生休」矣。

有人仲想受「統戰」，乜「又傾又砌」以為好掂，但否決政改，擺明「冇計傾」矣。此間有個反共上腦的寫稿佬，仲猛寫「起義」想搵「港獨份子」攪野，但亦有「民主」政客話明動口不動手，北京似乎「引蛇出洞」你一玩野，就23條立法，逐個捉。而700萬港人中，中產有樓在手，要「起義」，睇下有冇人落疊？

要「反共」，係蚍蜉撼樹，連絕食都捱不了三天的體質，憑乜去「起義」？最後被人「關門打狗」可能香港仲太平。因為過去成功，都係玩經濟也？

「民主」政客自回歸後，成日要普選，北京在董伯、煲呔、振英後，費事日嘈夜嘈，答應普選，但自然唔會被「反共」份子掌治權，於是劃出底線，要玩？跟「遊戲規則」，唔跟？一拍兩散，北京國力不斷上升，內地生活水準部份超越香港時，又豈會怕幾隻「寒蟬」。於是「民主」政客發覺18年特首夢幻滅，只好猛話京官撕裂香港，但，一味歸咎北京，倒不如問下自己，一隻手掌係拍唔響嘅！

京官講到明，下一步就係對打住「民主」搞搞震的政客「堅決打擊」，當成部國家機器輾過來，看看如何抵擋？有人自視甚高，以為有美國佬撐，又可用兩制做盾牌，但就像賭沙蟹，咁嘅注碼可以偷雞？看北京信心，只要經濟攀上世界第一，根本毋須再用兩制向台灣招手，有此原故，對香港小蚍蜉鬥爭，好快就來料矣！

咁嘅注碼可以偷雞？