農曆今年有兩個九月，一在新曆9月24（那天是初一）一在10月24日，廣東人叫閏九月，本來三年兩潤，沒有甚麼大不了，但閏九月卻不常見。
在歷史上，現代史第一次閏九月在1832年出現，下次要到2109年，相隔95年，本來出現少應該矜貴，因為人一生未必可以遇上兩個九月！但偏偏九月唔係好嘅月份，所以有老人家話「要趨吉避凶」。
九月唔好，係人都知，小學生都讀過「桓景九月九登高避禍」的故事，古時瘟疫魔的傳說，演變成重陽節，如今兩個九月，要避二次瘟魔，有風水佬話唔時年不好，不少老人家亦有同感。古人對瘟疫，係插茱萸葉，飲菊花酒，今天亦可以用菊花茶替代。
翻看歷史，上一個閏九月在1832年，即係清道光十二年，當年冇乜大事發生，但社會上就鴉片煙毒橫行，與瘟疫差不多，都係害人害物。而182年後的今天，亦有瘟疫，則是非洲的「伊波拉」病毒，弄至西非多國人心惶惶，死人遍野，而且不斷在擴散中，在未來的閏九月，是否播毒尤烈，甚至向全球蔓延，就要看看風水佬的說話「靈唔靈」。
在中國人習慣中，閏年本來是結婚的好時年，特別是年尾日子，但今年兩個九月並非好日，在這段時間「拉埋天窗」對日後際遇有冇影響？本來擇日是求個心安理得，所謂信之有，不信則無。

閏九月好唔好