人大「一鎚定音」為普選爭遂治權關閘，反對派雖然呱呱嘈，但已經無能為力，要走上街頭抗爭，若涉及暴力，只會輸得更慘，從57年右派、67年左派暴動的歷史看，一涉及流血，就被廣大市民唾棄。
要罷工，反對派無足夠號召力，今次「藍血人革命」，在得不到足夠的基層及上層商家支持下，最多每擾攘三、五個月，估計就會慢慢
沉寂，而黑金政治大亨未來日子不會好過，若避得開官司已是萬幸，冇「民主」，可以移民，但到外國不過是二等公民，倒不如專心搵銀。
有人話經此一役，「溫和民主」再無出路，但「激進民主」亦不得民心，講到尾，大多數港人在英國管治下，灌輸的是「政治要冷、搵錢要熱」有冇民主唔緊要得過冇飯開，現時「民主熱」不過是外國勢力，乜乜BB、反共大亨想「顏色革命」，但「革命」一定要民不聊生、怨氣極大，由上到下都響應，先會有機會成事，香港雖然有貧富懸殊，但無人因此餓死，有後生仔一邊食綜一邊要「民主」，不過是柴娃娃耳。
北京在落閘前，已計過度過，一個咁細的地方，又冇資源，反對派可以玩到幾大？一群政治「幼稚生」，冇策略、冇技巧，有事只識找外國契爺幫手；而「公民抗命」被拉的，投訴冇食物、冇水飲，這樣的材料，可以「日月換新天」？唔好玩喇！
「佔中」是反對派最後的底牌，搞手目前想挑起更多「怒氣」催谷參加人數，但本身又唔敢「毀家紓難」，一味鼓勵別人去做爛頭蟀，咁樣爭「民主」你話得唔得？

最後底牌「佔中」