近年冇乜人寫怪論,但看看香港這社會,日日都光怪陸離,題材俯拾即是,順手拈來,好笑都暈!
有傳媒,天天鼓吹「反自由行」、「驅蝗」,但專門賺內地客錢的「洋名牌」,好揀唔揀,卻要搵「倒米」的來落廣告,真係搵鬼睇,咁樣促銷,真係大開眼界。
有打著「民主」招牌的,成日話「有民主先有繁榮、穩定」,但睇睇立法會的「拉布民主」就係最佳反面教材,有人要拉,不妨任佢拉,拉足一年半載,拉到選舉年、拉到2017,政府仲可以同市民講「這就是民主」,睇睇邊個死囉!兵法都有講「置諸死地然後生」嘛。
冇錢應付開支,係大圍事,唔少「反中」、「驅蝗」份子係靠食綜來維持生計,針拮到肉,冇糧出,就可以知痛;再來就唔好出糧給「拉布」的議員,「食砒霜杜老虎」看看他們「冇水」仲可唔可以「吹水」?所以唔使「剪布」,一直拉下去,讓市民可以感受到「民主」的普世價值焉。
「精人出口笨人出手」是不易的道理,有人叫學生去「佔中」,即係叫人去犯法,教育局長開聲提醒,有大喊十就呱呱嘈話「白色恐怖」,照這樣的「邏輯」,煙包上印「吸煙危害健康」,店舖貼出「本店安裝了攝錄機」,「小心賊出沒」;提醒靚仔「唔好吸毒」的宣傳片,全部亦係白色恐怖,教唆人做犯法的事,仲要「理曲氣壯」真係大開眼界,咁樣有朝一日,「大家來吸大麻」都可以出街喇 ,你話係唔係?
支持拉布至2017
沒有留言:
張貼留言