冰凍三尺，非一日之寒，北京推出《一國兩制在港實踐》白皮書，與其說是中央「收緊」，不如說是「民主派」玩大咗，迫國務院出手動真格！
呢班大喊十，平日呱呱嘈，對其有幫助時，法治就捧到上天，釋法等可解決民生問題，就被描繪成破壞「香港基石」；到其要「佔領中環」時，則法治就拋諸腦後，大講「公民抗命」，試想想，號召萬計人犯法，則「基石」蕩然無存矣。
港英年代，所謂法律界多數係「鵪鶉」，「為民請命」講笑喇。六七年暴動，左派被捕者，幾乎揾唔到大狀辯護，除了一、兩位外，全部「明哲保身」，即使左派份子有不對，但應該有公平審訊吧？但肯站出來的，少之又少，這無他，得罪英國人，一定無運行！今天呱呱嘈又咁又咁的，欺善怕惡耳！
回歸後一國兩制，北京起初係冇乜理香港，令到西方話「香港已死」的評論，跌曬眼鏡，但「香港唔死」有人就加緊「玩死佢」，上個月《七國領事去深水埗一燒臘店拜訪明哥》某傳媒呢段新聞，透露帶頭的，連粵都唔識多句，但就擺出昔日「港督」的架勢，指手劃腳，你估八國聯軍重臨咩！就係因為有人得寸進尺，想用另一種方法，將香港變成「殭屍電腦」，北京看在眼裏，會怎樣做？
「佔領中環」係精心炮製出來，同好多處佔領廣場政變的前奏好相似，發起人一直淡化指屬「和平」行動，但邊個敢保證一定和平？只要呃得人去，越多越好，不過絕對唔叫自己的老婆仔女去，內裏玄機，借內地口頭禪「你懂的」。


法治係有事鍾無艷