「佔中」，項莊舞劍志在北京，但要鬥倒中央，無疑是以卵擊石，群眾運動不可能持久，而「雨傘革命」亦不可能成功，於是騎劫學生運動的幕後人馬，開始要找退路。
任由學生與政府談判，恐怕功力唔夠，於是千方百計要由「各方組成的談判團」來與政府談，目的係乜，想甩身耳，而學生一時咁一時咁，明顯係受到幕後班「軍師」擺弄，談判告吹係意料中事，因為根本無「章法」，談係多餘。但唔談判，一味鼓動群眾上街，亦唔係路。
香港過往兩次大暴動（1956、1967）均以流血才能收場，56年死亡人數達60人；67年那次51人喪生。而兩次港英政府均動用駐軍，56年時出動三個營英軍，67年時則由來港的航空母艦派出直升機及英軍協助「平亂」。兩次暴動均「禍延三代」，攪事者後代不能做公務員，港英年代即使考取警察後要查家宅就是由此來。
今次「佔中」雖未定性「暴動」，但示威者控制幾條大馬路，設置路障，車輛要駛入須示威者檢查，同56年時暴徒控制馬路手法類似，今次連警車都要「被搜」，可謂對法治莫大諷剌。
56年暴動係由政治事件演變（撕青天白日旗），67年係社會基層生活受漠視而催生（人造花廠勞資糾紛）。今次則歸咎「無公民提名普選」，最終會否要流血才能收場？
但法治社會必然「秋後算賬」，幕後人脫不了關係，特別是交通大混亂同經濟損失。有學者提議「特赦」：某段時間內撤離，就不追究非法集會等罪，但涉及刑事者若可赦免，則法治蕩然，這亦是「撤退」是否成事的因素之一。

退路在何方