亂局仲會鬧幾耐？

一生人難逢一次的閏9月，由新曆9月24日至11月21日，共計59天；農曆九月，古人視為「唔好月份」因要登山避災，故事流行了千年，今次百年一遇的閏9月，是吉是凶，大家心中有數矣。
天象之反常，仲有「停了的雷鳴」竟然再鳴，仲有閃電。本來根據《通勝》所言，新曆9日23日秋分後，雷始收聲；但未夠一個星期，到9月30日晚，竟然雷電交加有黃雨警告，在術數上，古人稱天象示警，估計有動亂焉。
「佔中」在9月28日爆發，正好在踏入閏九月後第4天，是否要蔓延至11月尾才結束，就要看你是否信術數了！有認為事情要過完閏九月才會漸趨平復，期間會有何演變，真的是「不可說！如之何？」，現時有不少有錢佬「外出遊埠」，淨係睇馬會不少馬主近期不現身，就知他們取向。
由學生仔做「政治前鋒」，現時表面贏曬，但正如打麻將，未離場前，勝負仲未分，特別係曠日持久，要維持秩序會愈來愈難，差人要保護非法集會者就相當攪笑，問題是如何下台階。
近日最大的吹水報，一味作故仔，好似「習近平開會話咁話咁」其人有份在現場似的，這不過是激勵士氣耳！
閏月在古代民間，被視為「好」，適宜嫁娶，但在玄學上，要看閏哪個月，2012年閏4月沒有問題，過往閏2月亦沒有事，但今年閏9月就大件事，有人仲話「佔中」是壓垮股市、樓市的最後一根稻草，是否這麼嚴重，放長雙眼看就知。
若從玄學看，起碼仲有十天半月不平靜，甲午火旺人躁，一發就不可收拾矣